噴汁扁桃駁李 (飲食男女- 為食Show)

夏 天 沒 有 甚 麼 好 吃 。 所 有 動 物 ， 春 天 叫 完 春 之 後 ， 夏 天 可 能 仍 是 baby ， 開 始 冬 天 ， 大 家 長 得 肥 肥 白 白 ， 那 時 甚 麼 都 好 吃 。 所 以 你 聽 到 朋 友 夏 天 去 歐 洲 話 食 好 東 西 ， 氣 ！ 識 食 極 有 限 ， 因 為 大 多 在 歐 洲 的 好 餐 廳 都 會 放 一 下 暑 假 ， 實 在 沒 東 西 好 煮 。蘇施黃

不 過 ， 夏 天 的 好 處 是 特 別 多 生 果 吃 。 記 得 讀 大 學 的 時 候 ， 時 常 一 班 淨 返 學 唔 讀 書 的 老 死 駕 車 四 處 去 ， 去 B.C. 省 租 一 隻 House Boat ， 住 三 幾 日 。 日 間 釣 魚 ， 夜 間 傾 餐 懵 ， 笑 餐 死 ， 真 開 心 。 最 得 人 驚 時 ， 沒 有 一 個 人 懂 得 駕 船 ， 大 家 就 當 隻 船 係 車 咁 駛 ！ 有 一 晚 ， 一 個 「 茂 利 」 對 住 一 個 山 直 駛 ， 其 實 他 希 望 能 靠 山 泊 好 隻 船 ， 免 得 太 大 浪 。 可 是 他 見 不 到 近 山 的 地 方 有 很 多 巨 石 ， 我 們 的 船 在 大 石 邊 過 ， 真 的 差 一 張 廁 紙 的 位 便 「 瓜 」 得 ！ 想 起 來 都 抹 一 把 汗 。 所 以 各 位 阿 爸 阿 媽 ， 記 住 一 句 話 ： 「 該 死 唔 使 病 」 。 所 有 年 青 人 都 係 懵 懵 的 大 ！
釣 完 幾 日 魚 ， 又 駛 十 四 、 五 個 鐘 來 回 Edmonton 。 途 中 一 定 經 過 很 多 farm ， 有 種 strawberry 的 、 有 種 蘋 果 和 小 蘋 果 （ crabapple ） 的 、 有 桃 和 桃 駁 李 （ peach and nectarine ） 的 … … 我 不 懂 得 駕 車 ， 所 以 負 責 四 處 看 有 沒 那 些 $1 pick and eat 。 喂 ， 唔 係 講 少 ， 一 蚊 加 幣 ， 任 擇 任 食 ， 不 過 不 准 帶 走 。 那 時 是 苦 學 生 ， 死 命 唔 食 lunch ， 留 番 個 肚 食 $1 all you can eat 生 果 。 其 中 我 最 喜 歡 的 是 peach and nectarine farm ， 因 為 加 拿 大 的 nectarine 很 香 ， 很 甜 ， 很 多 汁 。 一 口 氣 ， 可 以 食 他 十 至 十 五 個 ！


最 近 在 香 港 ， 見 到 些 看 來 似 扁 桃 （ donut peach ） 的 扁 桃 駁 李 ， 它 們 的 分 別 是 扁 桃 有 毛 ， 扁 桃 駁 李 冇 毛 。 那 些 扁 桃 駁 李 來 自 加 州 ， 加 州 的 陽 光 可 能 真 的 好 一 些 ， 那 些 桃 駁 李 好 食 到 呢 … … 很 清 香 ， 一 啖 便 有 一 小 水 柱 噴 入 你 的 喉 嚨 ， 甜 得 來 又 不 會 太 膩 ， 這 個 扁 桃 駁 李 真 是 今 年 的 大 surprise ！
吃 這 個 李 也 有 竅 妙 ， 一 ， 是 洗 時 不 用 大 力 捽 ， 否 則 很 易 甩 皮 ； 二 ， 連 皮 吃 ， 像 提 子 一 樣 ， 咬 落 去 「 卜 」 一 聲 ， 零 舍 多 汁 好 味 。 這 種 李 唯 一 缺 點 是 太 貴 ， 在 尊 貴 的 跑 馬 地 街 市 斜 路 「 平 嫂 」 賣 十 蚊 一 個 ， 去 到 北 角 ， 我 爛 仔 蘇 的 朋 友 富 榮 就 賣 $8 一 個 。 現 在 可 能 有 錢 都 買 唔 到 ， 因 近 幾 日 都 唔 見 有 貨 ， 見 到 有 扁 桃 駁 李 ， 多 多 錢 都 買 一 個 來 試 試 ！

蘇 施 黃 Profile
資 深 電 台 人 ， 天 生 異 「 口 」 ， 除 了 講 叻 ， 食 同 樣 嘴 刁 ， 近 年 開 咪 、 上 電 視 做 主 持 都 不 離 教 人 食 得 精 ， 吸 引 大 批 粉 絲 跟 佢 搵 食 。

Source: 第678期 飲食男女- 為食Show